❤️मीरा के गिरधर❤️ Krishna ❤️Meerabai❤️

ओलगिया घर आया म्हारे, ओलगिया घर आया जी। तन की ताप मिटी सुख पाया, हिल मिल मंगल गाया जी।। टेर ।। घन की धुन सुनि मोर मगन भया, यूँ मेरे आनन्द छाया जी। मगन भई मिल प्रभु अपणा सूँ, भौ का दरद मिटाया जी।। 1 ।। चन्द कूँ निरखि कमोदणि फूले, हरखि भई मेरी काया जी। रग-रग सीतल भइ मेरी सजनी, हरि मेरे महल सिधाया जी।। 2 ।। सब भक्तन का कारज कीन्हा, सोई प्रभु मैं पाया जी। मीराँ बिरहणि सीतल होई, सब दुख-दुन्द नसाया जी।। 3। ❤️ थाँरी बाताँ लागे म्हाने मीठी म्हारा साँवरा। मीठी लागे मीठी लागे मीठी म्हारा साँवरा।। टेर ।। थे छो साँवरिया म्हारा, माथेरा सेहरा, मै तो थारे हात री अगूँठी म्हारा साँवरा।। 1 ।। थे तो साँवरिया प्यारा, मथुरा विराजो, कबहुँ ना देवो म्हांने चीठी म्हारा साँवरा।। 2 ।। सँकड़ी गली में म्हारा मोहन मिलिया, किस विधि फिरूँ मैं अपूठी म्हारा साँवरा।। 3 ।। मीराँ के प्रभु गिरधर नागर, चढ़गयो चोल मँजीठी म्हारा।। 4 ।।

Теги:

Krishna meerabai

Оцените это изображение:

• Создать электронную карточку

Краткая ссылка на эту страницу:

• Сообщить о нежелательном содержании