❤जय राधे कृष्ण❤

रंगीलो राधावल्लभ लाल, जय जय जय श्री वृन्दावन । विहरत संग लाडली बाल, जय जय जय श्री वृन्दावन ॥ जमुना नीलमणि की माल, जय जय जय श्री वृन्दावन । प्रेम सुरस वरषत सब काल, जय जय जय श्री वृन्दावन ॥ सखिनु संग राजत जुगल किशोर, जय जय जय श्री वृन्दावन । अदभुत छवि सांझ अरू भोर, जय जय जय श्री वृन्दावन ॥ आनन्द रंग कौ ओर न छोर, जय जय जय श्री वृन्दावन । प्रेम की नदी बहे चहुँ ओर, जय जय जय श्री वृन्दावन ॥ दुर्लभ पिय प्यारी को धाम, जय जय जय श्री वृन्दावन । चंहुँ दिसि गूँजत राधा नाम, जय जय जय श्री वृन्दावन ॥ नैननि निरखिये स्यामा स्याम, जय जय जय श्री वृन्दावन । मनुवा लेत परम विश्राम, जय जय जय श्री वृन्दावन ॥ धनि धनि श्री किनका प्रसाद, जय जय जय श्री वृन्दावन । पाये सब मिटिहैं विषै विषाद, जय जय जय श्री वृन्दावन ॥ सभे सुख एक सीथ के स्वाद, जै जै जै श्री वृन्दावन । सर्वसु मान्यौ हित प्रभुपाद, जय जय जय श्री वृन्दावन ॥ धनि धनि ब्रजवासी बड़भाग, जय जय जय श्री वृन्दावन । जिनके हिये सहज अनुराग, जय जय जय श्री वृन्दावन ॥ लेत सुख रास हिंडोला फाग, जय जय जय श्री वृन्दावन । गावत जीवत जुगल सुहाग, जय जय जय श्री वृन्दावन ॥ छबीली वृन्दावन की बेलि, जय जय जय श्री वृन्दावन । छाँह तरै करैं जुगल रस केलि, जय जय जय श्री वृन्दावन ॥ मंद मुसिकात अंस भुज बेलि, जय जय जय श्री वृन्दावन । रसिक दें कोटि मुक्ति पग पेलि, जय जय जय श्री वृन्दावन ॥ पावन वृन्दावन की धूरि, जय जय जय श्री वृन्दावन । परस किये पाप ताप सब दूरि, जय जय जय श्री वृन्दावन ॥ रसिक जननि की जीवन मूरि, जय जय जय श्री वृन्दावन । हित कौ राज सदा भरपूर, जय जय जय श्री वृन्दावन ॥ रसीली मनमोहन की वेणू, जय जय जय श्री वृन्दावन । कौन हरिवंशी सम रस दैन, जय जय जय श्री वृन्दावन ॥ अगोचर नित विहार दरसैन, जय जय जय श्री वृन्दावन । ‘सलोनी’ पायौ निकुंजनि ऐन, जय जय जय श्री वृन्दावन ॥

Tag:

Krishna radha

Vauta questa immagine:

• Crea una e-card

Link breve per questa pagina:

• Segnala contenuto inappropriato