☀श्री सीता राम लक्ष्मण हनुमान☀

जो मन लागै रामचरन अस। देह गेह सुत बित कलत्र महँ मगन होत बिनु जतन किये जस॥ द्वंद्वरहित गतमान ग्यान-रत बिषय-बिरत खटाइ नाना कस। सुखनिधान सुजान कोसलपति ह्वै प्रसन्न कहु क्यों न होहिं बस॥ सर्बभूताहित निर्ब्यलीक चित भगति प्रेम दृढ़ नेम एक रस। तुलसीदास यह होइ तबहि जब द्रवै ईस जेहि हतो सीस दस॥ ☀ यह बिनती रघुबीर गुसाईं। और आस बिस्वास भरोसो, हरौ जीव-जड़ताई॥१॥ चहौं न सुगति, सुमति-संपति कछु रिधि सिधि बिपुल बड़ाई। हेतु-रहित अनुराग रामपद, बढ़ अनुदिन अधिकाई॥२॥ कुटिल करम लै जाइ मोहि, जहॅं-जहॅं अपनी बरियाई। तहॅं-तहॅं जनि छिन छोह छाँड़िये, कमठ-अण्डकी नाई॥३॥ यहि जगमें, जहॅं लगि या तनुकी, प्रीति प्रतीति सगाई। ते सब तुलसिदास प्रभु ही सों, होहिं सिमिति इक ठाई॥४॥

Tag:

ram shri

Vauta questa immagine:

• Crea una e-card

Link breve per questa pagina:

• Segnala contenuto inappropriato